Ginlunsyar na sang Negros Occidental subong nga adlaw ang vaccination sang mga menor-de-edad nga nagasuprer sang comorbidities sa Teresita Lopez Jalandoni Provincial Hospital.
Suno kay Provincial Administrator Atty. Rayfrando Diaz, bakunahan subong nga adlaw ang mga naga-edad 12 tubtob 17-anyos nga nagasuprer sa mga balatian.
Suno diri, 300 ka mga minors ang ila target nga mabakunahan apang kun madamo ang ginpadala sang mga local government units, posible nga magdangat sila sa 500.
Pfizer COVID vaccine ang pagagamiton sa mga ini.
Suno sa provincial administrator, pagkasunod nga semana, magasugod naman ang pagbakuna sa mga menor-de-edad nga wala nagasuprer sang balatian.
Magluwas sa Teresita Lopez Jalandoni Provincial Hospital, ginalantaw man nga mangin venue sang pagbakuna sa Pediatric A3 amu ang Cadiz District Hospital kag Lorenzo Zayco District Hospital sa ciudad sang Kabankalan.
