Nakadeploy na sang mga kapulisan ang Police Regional Office 6 sa mga leisure areas nga posible kadtuan sang mga pumuluyo agud magpaliwa-liwa sa tigkalalag.
Sa interview sang Bombo Radyo kay PRO6 Spokesperson Police Lt. Col. Arnel Solis, bangud nga ginsiraduhan ang mga sementeryo humalin Oktubre 29 tubtob Nobyembre 2, 2021, ginalauman nga magpadulong ang mga pumuluyo sa mga beach, restaurants, bukid kag kapehan agud magpaliwa-liwat ilabi na nga wala sang trabaho.
Suno kay Solis, nakadeploy na sang mga pulis sa nasambit nga mga lugar agud mamintinar ang peace and order.
Nagpanugyan naman ini sa mga pumuluyo nga kun magpaliwa-liwa gid man, maghalong gid kag magsunod sa mga minimum health protocols.
Gindugang man sini nga antes maghalin sa mga puluy-an, siguraduhon gid nga sirado ang mga pwertahan kag bintana agud malikawan ang mga insidente sang pagpangawat kag siguraduhon man nga naka-off ang mga appliances agud malikawan ang pagluntad sang sunog.
