Gin-activate na ang Joint Security Control Center nga ginalakipan sang Commission on Elections, Armed Forces of the Philippines kag Philippine National Police sa Region 6.
Sa interview sang Bombo Radyo kay Major General Benedict Arevalo, division commander sang 3rd Infantry Division sang Philippine Army, ang pag-activate sang Joint Security Control Center ang kabahin sang ila mga tikang agud nga mapreparahan sang timprano ang palaabuton nga eleksyon.
Suno kay Arevalo, nagdungan ang Region 6 kag Region 7 sa pag-activate kag ini ang gin-organize agud handa na ang arrangement sa May 2022.
Suno diri, sila ang nagakuha sang mando kag direksyon nagikan sa Comelec santo man sa layi may kaangtanan sa eleksyon.
Ginkuhaan nila sang direktiba ang mga regional director supervisors.
Mas ginpasanyog man sang mga ini ang ila operasyon batok sa insurhensya ilabi na nga ang mga New People’s Army ang nagahilabot sa eleksyon paagi sa extortion.
Gindugang man sini nga kun kaisa, sila ang nagapanghadlok pa sa mga kandidato ukon may ginapaboran.
Suno kay Arevalo, ila ginapasanyog ang ila mga operasyon agud indi makapanghalit ang makawala nga grupo.
