Lima ang narecord nga nagsufrer sang diarrhea sa syudad sang Sipalay diri sa probinsya sang Negros Occidental matapos ang paglabay sang Bagyo Odette kag kalabanan sa mga ini ang mga kabataan nga nagaedad duha tubtub 13 anyos.
Ini ang ginkumpirmar ni Sheila Mae Magbanua, staff nurse sang Sipalay City government nga naassign sa observation unit kag sila man ang nagaatipan sa mga pumuluyo nga nagamalasakit ilabi na ang diarrhea.
Suno kay Magbanua, kalabanan sa gin-diarrhea amu ang nagainom sang tubig nga nagikan sa tuburan kag ila lang sini nga ginapurify ukon gina init antes imnon.
Ang nagabatyag sang loose bowel movement, ubo kag hilanat ang nagikan sa nagkalain-lain nga barangay sa syudad sang Sipalay apang sa karun nahatagan na sila sang mga bulong kag nakarekober na ang mga ini.
Suno kay Magbanua, may gintalana man nga comfort room para sa mga evacuess nga sa kada evacuation center nga ila ginahamtangan.
Nagpanawagan naman si Magbanua sa mga ginikanan nga padayun nga maghalong sa ginakaon kag ginainom paagi sa pagpurify sini, apang kun bata ang maga inom kinahanglan nga distilled water ang ila nga imnon.
