Wala pa sang tul-id nga motibo nga ginlantaw ang Bacolod City Police Office tuhoy sa pagkamatay sang lider kag tatlo ka miyembro sang Arnold ‘Aki’ Cuadra Robbey Group nga amo ang ginaalegar responsable sa serye sang hold-up sa ciudad sang Bacolod.
Pasado alas-6:30 sang Sabado sang aga, nasapwan ang bangkay sang magpakaisa nga Jhundelle Rafols kag Leonil Rafols Jr. sa dalan sa tunga sang kampo sang tubo sa Sitio Langub, Barangay Blumentritt, banwa sang Murcia.
Nakabaklid si Jhundelle kag may igo sang tiro sa likod, ulo kag iban nga bahin sang lawas samtang sa unhan sini, nasapwan naman ang bangkay sang iya pakaisa nga si Leonil Rafols.
Ini ang ginsundan sang pagkasapo sang bangkay sang ginatudlo lider sang grupo nga si Arnold ‘Aki’ Cuadra sa higad sang suba sa Villa Angela Subdivision, Barangay Villamonte, ciudad sang Bacolod pasado alas-7:00 sang aga.
Si Cuadra ang may igo man sang bala sa nagkalain-lain nga bahin sang lawas.
Kahapon sang kaagahon, isa man ka ginapahayag miyembro sang Aki Cuadra Robbery Group ang gintiro malapit sa kanal sang irigasyon sa Purok Malipayon, Barangay Atipuluan, ciudad sang Bago.
Siya ang ginkill kay Rene “Boy” Dacillo ukon alyas Kogan, 30 anyos kag residente sang Villa Homes, Barangay Vista Alegre, Bacolod City.
Sa interview sang Bombo Radyo kay BCPO Director Police Col. Thomas Joseph Martir, ginpahayag sini nga may yara sang apat ka mga standing warrant of arrest si Arnold Cuadra nga ginlakipan sang kaso my kaangtanan sa illegal nga druga kag pagpangawat.
Suno sa iya, posible nga mg kaupdanan man sini ng naghimo sa iay kay may yara sila sang lainanay buot.
Suno kay Martir, wala pa sila sang tul-id nga motibo apang may impormasyon ini nga may pag-ilinaway nga natabo sa ila kag luyag na nga maghalin sang iban nga miyembro.
Wala man sini ginadula ang posibilidad nga iban pa gid nga grupo ang naghimo sini.
Suno sa BCPO Director, madamo sang modus ang Cuadra Robbery Group kag ang natabo sa ila ang nagapakita lamang nga kun indi maayo ang imo ginbuhat, magabalik gid ini sa imo.
