Isa ang patay kag apat ang nadakpan kun sa diin duha ang pilason nga mga ginaalegar katapo sang New People’s Army sa engkwentro sa tunga sang 62nd Infantry Battalion sang Philippine Army sang Sitio Manlibod, Barangay Sandayao, Guihulngan City, Negros Oriental sang Enero 15.
Sa impormasyon nga nakuha sang Bombo Radyo, nagapanagtag sang financial assistance kag mga bulong ang mga katapo sang 62nd IB sa mga nahalitan ni Typhoon Odette sang ginpalab-ot sang isa ka concerned civilian nga may makawala nga grupo sa Barangay Sandayao nga nagapatigayon sang extortion nga ila man gilayon nga ginrespondehan.
12 ka mga CTG member sang Central Negros 1, Komiteng Rehiyon – Negros, Cebu, Bohol, Siquijor (KR-NCBS) ang naka-engkwentro sang mga suldado kag nagdugay ini sang lima ka minutos.
Isa ka ginaalegar katapo sang NPA ang patay, apat ang dakpan kag duha diri ang pilason.
Narecover sa lugar ang isa ka KG9 nga may steel magazine kag 23 ka mga live ammunition, isa ka .45 calibre pistol, isa ka backpack kag mga dokumento.
