Ginpahayag sang pinuno sang Task Force Disiplina nga amu man ang head sang Task Force Basura nga ginatutukan nila sa karun ang pag-educate kag pag-advertise sa mga tawo nga insakto nga disposal nga mga basura kag pag-obserbar sang oras sang pagpangolekta sini.
Suno kay Wilfredo Geolingo, madutay na lamang ang complaint nga nagakabaton sa karun sang IPM Construction and Development Corporation tuhoy sa mg basura.
Nagbukas man ang Task Force Basura sang action center kun sa diin ginabaton ang mga reklamo kag ginahimuan gilayon sang tikang.
Ang numero nga sarang matawgan amu ang 445-6579.
Suno kay Geolingo, ila ginapahanumduman ang mga tricycle nga naga-impound sang basura tuhoy sa illegal transporting of unauthorized garbage.
Nagalaom man ini nga sila gihapon ang ipabilin nga magmanage diri sa mabulos nga administrasyon bangud kun lain-lain ang nagahandle sini, nagakautod kag nagakagub ang programa.
Suno diri, long term dapat ang solusyon sa basura kag dapat ipadayon ini agud indi mauntat.
