Kapin P20,000 ang ginalantaw nga balor sang damage sa nagluntad nga sunog sa sa ka temporary stock area sang isa ka BPO Company sa Barangay Mandalagan, Bacolod City, Huwebes sang hapon.
Sa interview sang Bombo Radyo kay Fire Chief Inspector Rodel Legaspi, fire marshal sang Bacolod City Fire Station, may nanawag sa ila alas 5:39 ang takna sang hapon nga may sunog sa Concentrix Bacolod.
Suno kay Legaspi, nahamtang sa temporary stock area sang Building 1 ang mga scrap nga materyales, mga daan nga kartoon, refrigerator nga daan kag mga butang nga natalana naman kuntani nga idispose.
Suno sa iya, temporaryo lamang ang nasunog nga area kag may yara gid sang stock room ang BPO company nga ginapreparahan sang mga gamit.
Nagapasalamat naman ini nga wala sang may nasamaran sa insidente.
Kapin P20,000 ang balor sang halit kag sa karun ginaimbestigahan pa kun ano ang gintunaan sang kalayo.
