Nagpanindugan si former Negros Occidental Governor Rafael ‘Lito’ Coscolluela nga wala sang malain kun makapila na ka beses suliton ang pamangkot sang mga katapo sang media sa kandidato sa pagkapresidente ukon sa anuman nga posisyon sa gobyerno.
Sa interview sang Bombo Radyo kay Coscolluela nga isa man sa mga convenors sang 1SamBayan, matumod kun nagabutig ang isa ka tawo kun pamangkuton ini sang pareho nga pamangkot sang makapila ka beses.
Suno kay Coscolluela, tuman ka importante ang sabat sang interviewee bangud diri madeterminar kun consistent ini, nagakambyo ukon gincorrectionan ang nauna nga sabat.
Ang pagligwat sang sabat sang kandidato suno sa anay gobernador ang makabulig agud nga matakos ang authenticity sang tawo bangud ang wala nagabutig ang may pareho lang nga sabat bisan ano oras ini pamangkuton.
Sa tion nga magpadayon si anay senador Bongbong Marcos sa pagpalagyo sa public scrutiny suno kay Coscolluela, mahimo nga magkambyo na ang pinsar sang iya napapati kag makarealize nga indi ini genuine nga sahi sang tawo.
Kun ini ang magkambyo suno sa anay gobernador, mahimo nga mangin katapusan na ini sang iya political aspiration.
