Nagsungka ang Chairman kag Vice Chairman sang National Federation of Sugarcane Workers (NFSW) sa syudad sang Escalante, Negros Occidental kadungan sa pagpasa sang affidavit nga sila ang katapo sang New People’s Army (NPA).
Ang duha ang nagsungka sa 605th Manuevre Company sang Regional Mobile Force Batallion 6 kag ang mga ini ang gilayon man nga ginturn-over sa opisina sang Local Task Force to End Local Communist Armed Conflict (LTF-ELCAC) sang syudad sang Escalante.
Ang programa sang LTF-ELCAC ang may tinutuyo nga mahugpong ang tanan nga Pilipino para sa mas hilway, malinong kag progresibo nga kumunidad.
Kasunod sang pagsungka sang duha, makaupod na sang mga ini ang ila nga pamilya sa pagpanugod sang panibag-o nga kabuhi.
Santo sa ginpasa nga affidavit, sila ang supporters, sympathizers, recruiter, lecturer kag medic sang NPA.
Sa karun indi pa matumod sang Regional Mobile Force Batallion 6 kun matuod ang nakabutang sa affidavit bangod wala ang mga ini sang gina-uyatan nga legal nga basihan.
