Ginkompirmar sang tagpamaba sang Police Regional Office 6 (PRO 6) nga nakahanda na kag nakaalerto ang mga kapulisan sa pag-umpisa sang campaign period bwas, Pebrero 8.
Sa interview sang Bombo Radyo kay Police Lt. Col. Arnel Solis, ginpahayag sini nga nakahanda na ang mga kapulisan kag nakacoordinate na sila sa Commission on Elections (COMELEC).
Nagapanawagan ang tagpamaba sang PRO-6 sa mga nagapadalagan para sa May 9, 2022 elections nga magsunod lamang sa guidelines nga ginpagwa sang COMELEC para sa campaign period kaangay sang minimum health protocols santo sa ginpagwa nga resolution sang COMELEC para sa pagkampanya.
Nakasaad sa COMELEC resolution 10732 ukon Guidelines for the conduct of: in-person campaign, rallies, caucuses, meetings, conventions, motorcades and caravans kag meeting de avance sa idalum sang new normal may kaangtanan sa May 9, 2022 national and local elections, nga ginadumilian ang handshakes kag paghakos.
Nakasaad man sa nasambit nga resolution ang pagsulundan para sa outdoor kag indoor campaign.
Nagpanugyan man ini sa tanan nga mga kandidato sa palaabuton nga election nga sundon ang tanan nga mga nakasaad sa COMELEC resolution 10732 agud nga malikawan ang paglapta sang COVID-19.
