Kadungan sa pagbukas sang Campaign Period para sa National Positions subong nga adlaw, estrikto man nga igapatuman sang Comelec Negros Occidental ang pagregulate sa mga campaign posters.
Paathag ni acting Provincial Election Supervisor Atty. Roberto Salazar, nga pagapaluson sang mga ini ang dalagko nga campaign materials bisan pa ang yara sa pribado nga propidad kun ini ang wala nakasunod sa standard size nga 2×3 santo sa Comelec Resolution.
Magatukod ang Comelec sang Task Force Baklas nga pagabug-usan sang Comelec personnels, Department of Public Works and Highways (DPWH), Philippine National Police (PNP), Armed Forces of the Philippines (AFP) kag iban pa nga mga Government Agencies na igadeputize agud mangin katapo sang Comelec Task Force Baklas.
Paathag ni Atty Salazar nga kun ano ang nakapagkit sa Comelec Resolution No. 10732 amo man ang dapat nga masunod.
Sa pihak nga bahin, aminado man ini nga indi pa nila matandog ang mga campaign materials sang mga local officials bangod sa Marso 25 pa ang Campaigne Period para sa local positions.
