Natalana nga umpisahan sang katapo sang Commission on Elections (COMELEC) Bacolod ang pagbaklas sang mga posters ukon campaign materials sa Biyernes.
Sa interview sang Bombo Radyo Bacolod kay Bacolod City Election Officer Atty. Revo Sorbito, kadungan sang pag-umpisa sang campaign period, magalibot ini agud makita kun ang mga posters kag campaign materials sang mga national candidates ang nagasunod sa standards size kag nahamtang sa dapat butangan nga mga lugar.
Suno sa election officer ginapahanugutan ang pagpatigayon sang mga meetings kag caravans apang dapat ginasunod ang nakasaad sa resolusyon sang COMELEC natuhoy sa pagpangampanya.
Ginpahayag man ni Sorbito nga pangbaklason ang mga campaign materials sang national candidates kun ini ang nakatapik sa indi designated nga lugar.
Suno diri ang standard nga size sang posters ang 2×3 feet kag dapat ibutang sa mga designated areas.
Suno kay Sorbito pagatawgan sang headquarters ang mga kandidato nga makita nga wala nagasunod kag hatagan sang 72 hrs agud makakas ang mga ini.
Nagaayo man ini sa mga supporters sang mga nagapapili nga kandidato sa national positions, kasubong man ang sa lokal, nga magsunod sa mga ginapatuman nga pagsulundan sang COMELEC natuhoy sa pagkampanya.
