Patay ang suspetsado sa serye sang mga pagpanghold-up sa syudad sang Bacolod matapos nga siya ang ginpululihan luthang sang pila ka mga wala makilal-an nga persona sa Purok Cabacawan, Barangay Villamonte, Bacolod City.
Ang biktima ang ginkilala kay Arian Mark Salaver alyas Jokjok.
Suno kay Marichu Salaver, iloy sang biktima, yara ini mismo sang ginlagas sang kapin 12 ka mga armado nga persona ang iya anak.
Gilayon naman ini nga nagpalagyo padulong sa balay sang iya tiya, kag didto na ini napatay.
Suno sa iloy, wala naman ini sang mahimo bangod nagapaarak na sang lupok ang mga suspetsado gamit ang mga high-powered nga armas.
Wala nya man nakilala ang mga suspetsado nga nakasibilyan bangod ang mga ini ang nakabonnet.
Pangabay sini nga indi patulugon kag konsensyahon ang mga nagpatay sa iya bata.
Aminado naman ini nga nagagamit sang iligal nga droga ang iya nga bata, apang indi dapat ibutang sa mga kamot ang layi.
Suno pa diri, nakahibalo man sila nga may kaso ang ila bata, kag ginatugyanan na nga magsungka.
Apang wala sila sang mahimo bangod nagapanindugan ini nga indi magsungka ilabi na nga nakahibalo na ini sa kabudlayan sa sulod sang prisuhan.
Pahayag sini nga ang iya nga bata ang napriso na sang makapila ka beses kag nahunong naman ini sadto sa Muntin Lupa.
Nagasinggitan ang iloy sang hustisya, bangod bisan pa nga pasaway si Alyas Jokjok, nagapabilin ini nga iya bata.
