Tatlo ka separado nga mga insidente sang paghikog ang nagluntad sa Negros Occidental sini nga semana.
Sa impormasyon nga nakuha sang Bombo Radyo, isa ka 32-anyos nga person with disability ang nasapwan na lamang nga wala na sang kabuhi sa iya puluy-an sa Barangay Orong, Kabankalan City.
Nakit-an ini nga nagakabit kag may nakahigot nga electrical wire sa liog.
Wala naman sang foul play santo sa imbestigasyon sang kapulisan.
Suno sa Kabankalan City Police Station, antes natabo ang insidente, naghambal pa ang biktima nga kun siya ang mapatay, siya ang himuson lamang nila.
Nahibaluan nga sang nagliligad nga mga tinuig, may mga suicide attempts naman nga ginhimo ang 32-anyos.
Samtang, nasapwan na lamang sa iya nobya ang isa ka 40-anyos nga lalaki sa Purok 5, Barangay 1, Hinobaan nga nagakabit gamit ang kalat.
Suno sa imbestigasyon sang Hinobaan Municipal Police Station, alas 7:30 sang gab-i sang may nagluntad nga argumento sa ila duha kag ginpahayag sangbiktima nga siya ang magahikog.
Alas 10:45 sang gab-i sang ginkadtuan ini sang nobya sa iya puluy-an kag nasapwan na lamang nga nagakabit gamit ang kalat kag wala na sang kabuhi.
Ini ang gindeklarar nga dead on arrival sang kapulisan.
Kahapon, isa man ka 18-anyos nga babaye ang naghikog sa balay sang iya abyan sa Barangay Canjusa, banwa sang Pulupandan.
Ini ang nasapwan nga nakabitin gamit ang nylon plastic chord.
Santo sa inisyal nga imbestigasyon, nagasuprer ang biktima sang depression.
Wala naman sang may nakit-an nga senyales sang foul play ukon physical struggle.
–
National Center for Mental Health Crisis Hotline – 0966-351-4518
Western Visayas Psychosocial Support – In Touch Community Services. 24/7 free and confidential counseling support. Please call (02) 8893 7603 or
09178001123 and 09228938944.
