Arestado ang isa ka 42-anyos nga lalaki sa ginpatigayon nga buybust operation sa Barangay 5, Silay City.
Sa interview sang Bombo Radyo kay Police Lt. Col. Robert Petate, hepe sang Silay City Police Station, ginkilala ang suspetsado kay Remo Jimenea, 42 anyos, residente sang nasambit nga lugar kag isa ka street level individual.
Nakuha sa iya paghinakop ang apat ka small heat sealed transparent plastic sachet sang suspected shabu kag isa ka medium heat sealed transparent plastic sachet sang suspected shabu lakip na ang buybust item.
Ang nakumpiskar nga illegal nga druga ang ginabanta nagabug-at sang walo ka gramos kag may estimated market value nga P54,400.
Sa karun nakaunong si Jimenea sa Silay City Police Station kag natalana nga pasakaan sang kaso nga paglapas sa R.A. 9165 ukon Comprehensive Dangerous Drugs Act of 2002.
