Napasar na sa 3rd and final reading sa session sang Sangguniang Panlungsod sa syudad sang Bacolod ang ordinansa nga nagahatag sang subsidy sa mga malala nga nahalitan sang COVID-19 pandemic.
Suno kay Bacolod City Councilor Dindo Ramos, ginahulat nalang sa karun ang pirma ni Bacolod City Mayor Evelio “Bing” Leonardia para sa implementasyon.
Nahibaluan nga ang ordinansa nga gin-author ni Ramos ang may natalana nga budget sa balor P10 million.
Ginahatag naman sang mga ini ang ligwa sa legislative department kun sin-o ang magabatun sang mga benepisyo, bangod sila sa executive department ang magahuman lang sang ordinansa.
Apang indi pa maseguro ni Ramos kun mahingagaw pa ini nga mapatigayon ilabi na nga nagahilapit na ang banning period, sa pag-umpisa sang campaign period sa mga local candidate sa Marso 25.
Bilang Chairman sang Committee on Transportation, nagapanguna man sini nga ginaduso ang mga drivers nga mahatagan sang benepisyo.
Paathag sini nga tuman ka naapektuhan ang mga drivers bangod sa COVID-19 pandemic nga gindugangan pa sang sagunsun nga pagsaka sang balor sang gatong subong nga tuig.
Magluwas sa mga public utilities drivers, nakita man sini nga labi man nga naapektuhan ang sektor sang mga market vendors, beautician kag musicians.
