Patay ang amay samtang pilason ang bata sa nagluntad nga shooting incident sa sa Gomez St. Brgy. Balintawak, Escalante City, Negros Occidental.
Ginkilala ang mga biktima kanday Joseph Arnaiz 25 anyos kag Victor Arnaiz, 50 anyos lunsay residente sang nasambit nga lugar.
Santo sa imbestigasyon sang mga kapulisan, si Joseph Arnaiz nag inom upod ang iya abyan sa sulod sang ila garahe sang hinali nalang may nag-abot nga anum ka wala makilal-an nga suspetsado sakay sa duha ka motorsiklo kag nagpalapit sa garahe.
Sa una, nag-estoryahanay pa ang mga suspek kay Joseph sang hinali nalang gintiro sang isa ka suspek si Joseph sa nawala sini nga butkon.
Nagwa ang amay ni Joseph kag gintinguhaan nga marescue ang bata sini apang ini man ang gintiro sa ulo sini nga nangin rason sang gilayon nga kamatayon sini.
Nagpalagyo naman ang mga suspetsado sa wala mahibaluan nga direksyon samtang sakay sa motorsiklo.
Samtang gindala naman si Joseph sa ospital agud madapatan sang nagakaigo nga pagbulong.
