Gin-athag ni Father Chris Gonzales nga non-partisan ang Diocese of Bacolod kag wala sang may ginasuportahan sang kandidato ukon aspirant sa 2022 Elections.
Sa interview sang Bombo Radyo kay Father Gonzales, ginpahayag sini nga apisar ang kada tawo kag grupo sa simbahan ang may mga nauyunan nga kandidato para sa eleksyon, wala naman ini nagarepresentar sa bilog nga simbahan.
Ginpaanggid sini sa isa ka iloy ang Diocese of Bacolod nga wala sang dapat nga apinan sa iya mga kabataan.
Apang nagapati ini nga kun may yara gid man sang bias sa simbahan, ini ang indi pag-apin sa mga kandidato nga indi tampad, nagatuga sang ginamo, indi credible kag may malain nga tinutuyo para sa pungsod.
Suno sa iya, dapat may honesty kag integridad ang isa ka kandidato.
Gin-athag man sini nga indi matuod nga may gina-endorso nga kandidato ang simbahan apang may kaugalingon man sila nga nauyunan.
Aminado man si Father Gonzales nga nangin kabahin na sang kultura ang vote buying apang kun masarangan likawan ini.
Kun indi gid mahimo kag batunon gid man ang kwarta, mas maayo nga gamiton ini sa maayo nga kawsa.
