Gin-umpisahan man sang provincial government sang Negros Occidental ang COVID vaccination sang mga kabataan nga 5-11 yrs old, Lunes, Pebrero 14.
Sa interview sang Bombo Radyo Bacolod kay Provincial Health Officer Dr. Ernell Tumimbang, ginpatigayon ang launching sa Teresita Lopez Jalandoni Provincial Hospital.
Suno kay Tumimbang, madamo sang mga ospital nga natalana nga magpatigayon sang nasambit nga vaccination.
Gina-engganyo sini ang mga ospital nga nakahanda na nga magbakuna sa age group ang umpisahan na.
Suno pa diri, may yara sang training nga ginpatigayon para sa mga magaconduct sang vaccination.
Target sang probinsya nga mabakunahan ang 363,249 ka mga kabataan.
Pfizer vaccine pa lang ang nakabaton sang emergency use authorization nagikan sa Food and Drug Administration.
Sa karon, prayoridad nga mabakunahan ang 5-11 years old sa mga high risks areas.
