Yara sa heightened alert status ang tanan nga police station sa probinsya sang Negros Occidental matapos gin-ambush sang mga miyembro sang New People’s Army ang patrol car sang Binalbagan Municipal Police Station sang tinalikdan nga Domingo, Pebrero 13, 2022 sa Sitio Candida 2, Barangay Biao, Binalbagan, Negros Occidental.
Sa interview sang Bombo Radyo Bacolod kay Police Lt. Abegael Donasco, spokesperson sang Negros Occidental Police Provincial Office, ang natabo nga ambush sa mga kapulisan ang nangin mitsa agud nga ipaidalom sang provincial director sang NOCPPO ang headquarters kag mga police stations sa heightened alert status.
Samtang ginpahayag man ni Donasco nga ang Binalbagan Municipal Police Station ang wala man nagakinahanglan sang dugang nga kapulisan apisar nga pito sa ila ang napilasan kag duha diri ang medyo seryoso kag ang lima ang nakaagom sang minor injuries lamang.
Wala man sang mga ini ginapangayo nga maliwat ang ambush apang tinguhaan sang mga ini nga indi na ini masulit.
Suno kay Donasco, indi pa mahambal kun malakip na ang banwa sang Binalbagan sa area of concern sa election bangud wala man malakip sa grave concern ang nasambit nga banwa.
Nagpasalig man si Donasco nga magapadayon ang ila pagtrabaho apisar nga nakaheightened alert ang mga opisina sa headquarters kag police stations nga nasakupan sang NOCPPO.
Nagpanugyan man ini sa kasubong sini nga police nga masami nga maghalong.
