Gin-athag sang Police Regional Office 6 nga limitado sa security kag pagpabilin sang peace and order ang papel sang mga kapulisan sa tion sa Oplan Baklas sa sini nga eleksyon.
Ini ang kasunod sang report nga may mga pulis nga nagbulig sa pagpangbaklas sang mga campaign materials sang isa ka kandidato sa iban nga lugar sang pungsod.
Nagpagwa naman ang Philippine National Police sang warning nga pinahan ang sin-o man nga nagaabuso sang trabaho bilang police officer sa tion sang Oplan Baklas.
Suno kay PRO 6 spokesperson Police Lt. Col. Arnel Solis, ndi matatapan sang isa ka pulis ang paghatag sang security kun siya ang nagabulig pa pangbaklas bisan pa nga iligal ang pagbutang sang mga posters.
Suno kay Solis, dapat nga mahibaluan sang mga kapulisan ang ila nga papel sa tion sang eleksyon bilang kabulig sang COMELEC.
Sa karon, ginaimbestigahan kag ginavalidate sang Philippine National Police ang kaso sang mga pulis nga may kaangtanan sa paglapas sa sini nga kasuguan.
