Magasunod ang mga empleyado sa Kapitolyo sa paandam sang Civil Service Commission (CSC) nga indi magpangampanya ukon makigbahin sa anuman nga partisan political activity subong nga campaign period.
Santo sa reminder sang CSC, sarang mapinahan ang sin-o man nga empleyado sang gobyerno nga mapamatud-an nga naagpatigayon sang electioneering kaangay sang pagpangita sang manugboto sa iya ginasuportahan nga kandidato ukon pagtukod sang mga grupo nga magasuporta sa kandidato.
Sa interview sang Bombo Radyo kay Renelo Lastierre, presidente sang Progressive Alliance of Capitol Employees, indi dapat mag-intra ang mga empleyado sang gobyerno sa bisan ano nga aktibidades may kaangtanan sa eleksyon bisan pa tapos na ang office hours.
Suno kay Lastierre, ini ang mangin pabor sa mga empleyado nga indi maapektuhan ang ila tagsa ka mga interes sa trabaho gani dapat magapabilin nga wala sang may ginadampigan.
Aminado naman ini nga madugay na ginasunod sang mga empleyado sa Kapitolyo ang mandu sang Civil Service Commission tagsa ka may eleksyon sa pungsod.
