Nagpahanumdom si Bacolod City Police Office Director Police Col. Thomas Joseph Martir sa mga katapo sang 10 ka police stations sa ciudad nga indi mangamot sa pagpangkakas sang mga campaign materials bisan nagaupod ini sa Oplan Baklas.
Suno kay Martir, indi dala sa obra sang mga kapulisan ang pag-uyat sang mga kawayan kag pagpangkakas sa mga tarpaulin kundi ang paghatag lamang sang security.
Suno sa police official, ginasigurado sang Philippine National Police nga mangin non-partisan ang mga kapulisan sa kada eleksyon.
Sa karon, wala pa sila sang may nabaton nga reklamo angot sa Oplan Baklas.
Nahibaluan nga ang PNP ang nagapanguna nga kabulig sang COMELEC para malab-ot ang kalinong kag patas nga eleksyon.
Ginasigurado man sang mga kapulisan sa syudad sang Bacolod ang safety kag security sa maabot nga 2022 Elections.
Sa subong matawhay ang syudad kag wala sang reported election-related violence.
