Isa ka personnel sang Philippine National Police ang patay kag duha ang pilason matapos maghugpaas ang helicopter sa vicinity sang Real, Quezon subong nga Lunes.
Suno kay PNP public information office chief Brigadier General Roderick Alba, ang napatay ang ginkilala kay Patrolman Allen Noela Ona samtang ang piloto naman nga si Police Lt. Col. Dexter Vitug kag co-pilot nga si Police Lt. Col. Michael Mellora ang padayon pa nga ginabulong sa ospital sa Infanta, Quezon.
Ang H125 Airbus nga may registry number RP-9710 ang ginreport nga missing pila ka oras matapos nga magtake-off alas-6:17 kaina sang aga sa Manila Domestic Airport sa Pasay City kag padulong sa northern Quezon para sa administrative mission.
Suno sa PNP, may yara sang mga report nga nagainulan sa area sang Real.
Kasunod sang insidente, ginground sang PNP ang bilog nga fleet sang H125 Airbus Police helicopters samtang nagapadayon pa ang imbestigasyon.
Madumduman nga sang Marso tuig 2020, ang Bell 429 GlobalRanger chopper aircraft nga ginasakyan ni PNP chief Archie Gamboa kag pila ka police officiaks ang nagcrash man sa Laguna.
Napatay sa insidente si PNP comptroller chief Major General Jovic Ramos.
