Gin-anunsyar man sang United Kingdom ang pila ka mga sanctions batok sa Russia matapos ini nagmando sang tropa sa duha ka mga rebel-held regions sang eastern Ukraine.
Lima ka mga bangko ang nafreeze ang ila mga assets, kaupod ang tatlo ka mga Russian billionaires, nga magaagum man sang UK travel bans.
Suno kay Boris Johnson, ang tikang sang Russia ang daw kaangay sa “renewed invasion” kag ang mga sanctions ang “first barrage.”
Suno sa iya, posible ini nga ma-extend apang nagpangatubang sang mga panawagan nga maghimo sang mabug-at nga mga tikang.
Gin-anunsyar ni Johnson ang sanctions batok sa mga Russin individuals kag mga bangko sa isa ka statement sa MPs matapos ang emergency meeting sang Martes.
Ini ang kabahin sang coordinated Western response sa krisis, kun sa diin nakit-an man ang Europe kag Estados Unidos nga nagpatuman sang sanctions.
Gin-anunsyar sang Foreign Office nga magasanction man ang UK sa mga Russian parliamentarians nga nagboto agud makilala ang duha ka rebel held areas bilang independent sang tinalikdan nga semana.
Ini ang mangin kaangay sa mga una na nga gin-impose sa tatlo ka mga bilyonaryo apang magalawig pa sang sinemana agud mapatuman bangud kinahanglan ang bag-o nga legislation.
Suno sa departamento, sa masunod nga mga semana, ang British firms ang pagadumilian man sa paghimo sang negosyo sa duha ka mga breakaway areas, kaangay sa Crimea, isa ka rehiyon nga illegal nga ginsakop sang Russia sang 2014.
Nagapati man ang Britanya nga nagsugod na ang Russian invasion sa Ukraine gani maga-impose ang mga ini sang sanction.
Suno kay Johnson, ini ang una pa lamang nga barrage sang UK economic sanctions batok sa Russia bangud nagapati ini nga may mga indi maayo nga tikang pa nga pagahimuon ang Russia batok sa Ukraine kag wala sang may nakahibalo kun ano ang mga ini kag san-o ini matabo.
