Nagsugod na ang gobyerno sang Pilipinas sa pagsaylo sa mga Filipinos sa Ukraine sa “safer grounds” suno sa mga opisyal, kadungan sang pagbutang sang Russia sang tropa malapit sa bahin sang Eastern Ukraine.
Suno kay Hans Cacdac, administrator sang Overseas Workers Welfare Administration (OWWA), ang Pilipinas ang naga-offer sang relocation kag voluntary repatriations programs.
Suno sa iya, sa karun wala pa sang may nareport nga nagagyera nga military forces apang ginapatigayon na ang relocation.
Suno naman kay Foreign Secretary Teodoro Locsin Jr., ang ila concern amu nga kuhaon ang mga pagpamahog sa mga Filipinos sa Ukraine kag dal-on ang mga ini sa malapit nga lugar kun sa diin sila ang safe sa madasig nga tinion.
Suno kay Cacdac, tatlo ka mga batches sang OFWs (overseas Filipino workers) ang ginlocate sa safer grounds.
Duha ka mga Filipinos ang magapauli sa Pilipinas matapos nag-avail sang voluntary repatriation program sang gobyerno.
Suno diri, sa karun voluntary pa lang ang repatriation nagikan sa Ukraine kag nagahatag sila sang libre nga plane tickets.
Magahatag man sila sang ayuda sa mga OFW pag-abot sa pungsod.
