Ginpahayag sang Bacolod City election officer nga magapatigayon sang tentative meeting ang Commission on Elections (Comelec) sa 61 ka mga Punong Barangay sa syudad sang Bacolod.
Suno kay Atty Revo Sorbito, tentative palang ang schedule bangod wala pa ini sang naseguro nga venue.
Ang agenda sang mga ini ang maykaangtanan sa Comelec Resolution 10732 ukon ang rules of campaign.
Paathag ni Sorbito nga kinahanglan ini bangod magasugod naman ang campaign period sang lokal nga kandidato sa Marso 25.
Sunokay Sorbito, importante nga nakahibalo ang mga Barangay Tanod kag iban pa nga mga enforcers sa mga dapat bantayan kasubong man nga makabulig ang mga ini sa pagpahanumdom sa mga kandidato kag supporters sa pag-obserbar sa social distancing kag paglikaw sa physical contact sa tion sang kampanya.
Suno sa Election Officer, magapadala ini sang letter of invitation sa mga Punong Barangay sa tion nga may makita na nga venue.
Subong nga adlaw, matapos naman ang trainings sang mga technicians nga magaserbe sa May 9, 2022 elections samtang ang mga Board of Election Inspectors (BEIs) naman ang maga-umpisa na sa seminar sa Marso 1.
Province wide naman ang mangin seminar kag ini ang patigayunon by batch kag sa nanarisari nga venue agud nga ma-obserbar sang mga ini ang social distancing.
