Nagpanugyan ang tagpamaba sang Negros Occidental Police Provincial Office (NOCPPO) sa mga kapulisan nga halungan ang paggamit sang mga issued firearms.
Ini kasunod sang nagluntad nga accidental firing sa San Carlos City kun sa diin duha ka mga pulis ang imbolbado.
Suno kay NOCPPO Spokesperson Police Lt. Abegael Donasco, prebilihyo para sa tropa sang Negros Occidental nga makaangkon sang issued firearms nga sa ila ginpangalan gani indi ini dapat pag-uyangan paagi sa pagpalupok sini maskin kay sin-o.
Suno kay Donasco, dapat imanage sang maayo nga armas ilabi na kun loaded ini sang bala bangud ang careless mistake ang makatuga sang pagkadula sang kabuhi.
Suno diri, dapat kabigon ang kada armas nga loaded agud mahalungan sang maayo nga indi pag-ipalupok basta-basta.
Yara naman sa maayo nga kondisyon ang biktima sa nagluntad nga accidental firing sa San Carlos kag pagalantawon pa kun ano ang igapatuman nga penalidad sa personnel nga imbolbado.
