UPDATE SA UKRAINE-RUSSIA WAR – Natapos na kagab-i ang first round sang pag-istoryahanay sa tunga sang Ukrainian kag Russian delegations nga ginpatigayon sa border sang Belarus.
Wala naman ginpakigbahin sa publiko ang outcome sang nangin negosasyon.
Ang pag-istoryahanay ang nagdugay sang pila ka oras kag nauntat sang makaduha ka beses.
Ang kalawigon sang paghinun-anon ang nagapakita naman nga may yara gid sang istoryahan ang mga delegations.
Pagkatapos sang meeting, ang mga negotiators nagikan sa Ukraine kag Russia ang nagbalik sa ila capital cities para sa consultations.
Suno kay Russian delegation head Vladimir Medinsky, nahisugtan sang duha ka bahin nga padayunon ang negosasyon.
Samtang, ginpermahan naman ni Ukrainian President Volodymyr Zelenskyy ang aplikasyon agud maka-intra ang Ukraine sa European Union kag nagpanawagan nga padasigon ang pag-aprubar sang ila application.
Suno kay Andrii Sybiha, pinuno sang opisina ni Zelenskyy, ang mga dokumento ang padulong na sa Brussels.
Ang nasambit nga application ang makabig nga symbolic apisar nga magadangat ang proseso sang pila ka tuig bangud dapat unanimously approved sang tanan nga miyembro ang EU membership.
Nahibaluan nga ang Ukraine ang nagapangatubang sang endemic corruption sa sulod sang pila ka tuig rason kun ngaa mangin mabudlay ang pag-agom nila sang approval.v
