Ginpirmahan na ni Negros Occidental Governor Eugenio Jose “Bong” Lacson ang Executive Order No. 22-08 series of 2022 nga naga-extend sang Alert Level 2 status sang COVID-19 sa probinsya humalin subong nga adlaw, Marso 1 tubtob 15, 2022.
Ang Executive Order ang halos wala man sang ginbag-o kun ipaanggid ang mga pagsulundan sang Pebrero magluwas nalang sa pagdugang sang flights sang mga Airline Companies.
Ang mga gindugangan nga flights amo ang lunsay gikan sa Manila-Bacolod kag Cebu-Bacolod vice versa nga mga ruta.
Madumduman nga ang Philippine Airlines ang nahibaluan nga nagahingyo sang tatlo ka flights sa isa ka semana sa flight nga Manila-Bacolod kag tatlo ka flight sa Cebu-Bacolod samtang ang Cebu Pacific naman ang nagaduso sang tatlo ka flights sa kada semana sa Manila-Bacolod samtang apat naman ka flights sa Cebu-Bacolod.
Sa karun ang probinsya sang Negros Occidental ang may 253 nalang nga nabilin nga active cases.
Samtang pito ang nadugang sa kaso sang COVID-19 sa probinsya kahapon.
