Aminado ang isa ka security and foreign policy expert nga napunggan sang Russia ang orihinal nga plano sang Estados Unidos sa pagpakig-alyansa sa Ukraine paagi sa pagsakop sa Eastern European country.
Sa interview sang Bombo Radyo Bacolod kay Professor Chester Cabalza sang UP Diliman, may personal nga interes ang Estados Unidos sa pagbulig sa Ukraine.
Suno kay Cabalza, bangud sa interest sa nasambit nga pungsod ginasustentuhan sang Estados Unidos ang Ukraine.
Suno diri ginahimo sang US nga panagang ang Ukraine batok sa Russia gani nagapatigayon ini sang training sa military forces sang Ukraine.
Ginpahayag man ni Cabalza nga ang Estados Unidos man ang nagduso sa Ukraine nga magpamiyembro sa North Atlantic Treaty Organisation (NATO).
Suno sa security and foreign policy expert, lain ang nangin panindugan ni US President Joe Biden bangud nagpahayag ini nga indi maghilabot sa Russia-Ukraine conflict.
Amat-amat sini nga ginpang-pull out ang mga pwersa sini sa European, Balkans kag Middle East bangud nagtutok ini sa Indo-Pacific regions gani nakibot nalang ini sa Russian aggresion sa Ukraine.
Suno kay Cabalza nakita ni Russia ang ginhimo ni US kag nakahibalo gid ini sang taktika sang nasambit nga pungsod gani ginpatigayon sini ang pagsulod sa Ukraine.
