Ginpanginbulahan sang regional director sang Police Regional Office 6 ang Escalante City Police Station matapos ang madinalag-on nga operasyon ang kaupod ang Philippine Drug Enforcement Agency (PDEA) kun sa diin nakompiskar ang P34 million nga balor sang suspected shabu nga nakuha sa isa ka panday nga subject nga nagtabok nagikan sa Cebu.
Sa interview sang Bombo Radyo Bacolod kay Police Lt. Col. Arnel Solis, tagpamaba sang Police Regional Office 6, ang operasyon ang nagapakita lamang nga maayo ang koordinasyon sang mga kapulisan kag PDEA operatives.
Ginpahayag man ni Solis nga naghatag man sang mensahe si Police Brigadier General Flynn Dongbo nga imbestigara sang maayo agud matumod kun may iban pa nga mga individual nga konektado sa nadakpan nga persona.
Ginpahayag man ni Solis nga mahimo nga ang 2022 ang mangin pinakamadamo nga makompiskar nga illegal nga druga bangud sa nauna nga mga binulan dalagko na ang narecover nga ginalakipan sang masobra kapin P20 million sa bredco port, P10 million sa San Carlos City kag P34 million kahapon kag magluwas pa plantasyon sang Marijuana nga nadismantle sa San Carlos City Negros Occidental.
Ginpahayag man sini nga maayo ang kooperasyon sang komunidad sa mga otoridad sa pakig-away sa iligal nga drama.
