Nabalita kahapon nga ang pinakadako nga nuclear power plant sang Europe nga nahamtang sa Ukraine ang gin-atake sang Russian forces kun sa diin nagtuga ini sang pagsigabong malapit sa isa ka parkingan sa Zaporizhzhia compound.
Ano bala ka dako ang Zaporizhzhia nuclear power plant?
Ang nasambit nga planta ang gintukod sa tunga-tunga sang1984 kag 1995 kun sa diin ginakabig nga pinakadako nga nuclear power plant sa Europe kag ikasiyam sa bilog nga kalibutan.
May yara ini sang anom ka reactors, ang kada isa ang nagagenerate sang 950 mega voltz (MV) kag kabug-usan nga output nga 5,700MV kag makasupply sa 4 million ka mga balay.
Ang planta ang makita sa south-east Ukraine sa Enerhodar sa pangpang sang Kakhovka reservoir sa suba sang Dnieper.
Ini ang may kalayuon nga 200km nagikan sa contested Donbas region kag 550km south-east sang Kyiv.
Importante man ini sa Russia bangud 200 kilometers ang kalayuon sini nagikan sa Crimea, ang gin-annex sang Russia sang 2014.
Ang Zaporizhzhia ang pinakadako sa apat ka nuclear plants kun sa diin ang mga ini ang nagahatag sang halos katunga nga kuryente sa pungsod Ukraine.
