Ginpahayag sang Secretary-General sa United Negros Drivers and Operator Center (UNDOC) nga patigayunon sang transport sector ang five-day transport strike sa syudad sang Bacolod antes matapos ang bulan sang Marso.// Suno kay Diego Malacad, magapatigayon pa ang mga ini sang final meeting sa Miyerkules kun sa diin padal-an man nila sang imbetasyon sa pagtambong ang religious, education kag pila ka business sector.
Apang nakadepende naman sa mangin dialgue kaupod sa local government unit (LGU) kag mga stake holders kun pila ka adlaw magadugay ang transport strike.
Isa sa partikular nga isyu sa lokal nga kabangdanan sa ila nga untat byahe amo ang natalana na nga pagphase out sang traditional jeepney sa Abril1 kadungan sa implementasyon sang Jeepney Modernization Program.
Aminado naman ini nga ang LGU ang nakapadala na sang resolusyon maykaangtanan sa isyu, apang wala pa ang mga ini nakaseguro kun ini ang nahanungod sa pagrecall sang City Ordinance nga nagamando sang pilot implementation sang Modernization Program agud ma-review ukon pag-extend sang isa pa ka tuig sang probationary authority antes ipatuman ang programa.
Magluwas diri, gina-ayo man sang transport group kay Energy Secretary Alfonso Cusi nga i-differ ang 12 percent value added tax sa tanan nga mga produkto, kun sa diin sila ang nakapadala na sang sulat.
Dugang pa nga panawagan sang mga ini nga temporaryo nga untaton ang excise tax sa idalum sang TRAIN Law.
Pinaagi sini, mas mangin mahalog ang paghulag sang mga jeepney drivers.
Suno kay Malacad, kun indi masarangan sang gobyerno wala ang mga ini sang mahimo kundi ang mag-adjust sang plete bangod wala man naga-untat sa pagsaka ang presyo sang gatong.
Madumduman nga ang mga Jeepney drivers sa Negros Occidental ang naga-ayo nga dugangan sang P2.50 ang pletehan samtang ang National level naman ang naga-ayo sang P5 nga saka sa pletehan.
Aminado naman si Malacad nga mangin masakit sa mga pasahero ang pagsaka sang plete.
