Napasakaan na sang kaso ang suspetsado sa nakompiskar nga lima ka kilo nga shabu sa ginpatigayon nga joint buybust operation sang Philippine Drug Enforcement Agency (PDEA) Region 6 kag Escalante City Police Station sang Marso 4, 2022.
Sa interview sang Bombo Radyo Bacolod kay Agent Bamboo, team leader sa PDEA-Negros Occidental, nga napasaka na ang kaso batok kay Vicente Sepuesca ang nakuhaan sang P34million nga balor sang suspected shabu sa Barcelona Port sa Escalante City, Negros Occidental.
Suno kay Agent Bamboo, magapangatubang si Sepuesca sang kaso nga paglapas sa section 5 kag 11 sang RA 9165 ukon Comprehensive Dangerous Drugs Act of 2002.
Suno kay Agent Bamboo, si Sepuesca ang wala sang mga previous cases apang santo sa ila monitoring nakadagdag na ini sang supply sang iligal nga druga sadto sa probinsya sang Negros Occidental.
Wala naman ginpaidalom sa drug test si Sepuesca bangud wala man sang dapat nga pamatud an nga nagagamit ini sang iligal nga druga bangud ang dapat matumod kun matuod nga shabu ang nakuha sa paghinakop sini.
Ini ang nagapabilin nga nakahunong sa Escalante City Police Station.
