Nakaaresto sang walo ka mga suspetsado kag nakakumpiskar sang 15 ka gramos nga suspected shabu ang Negros Occidental Police Provincial Office (NOCPPO) sa mga operasyon nga ila ginpatigayon batok sa illegal nga druga humalin sang Pebrero 20 tubtob Pebrero 26, 2022.
Suno kay NOCPPO Spokesperson Police Lt. Abegael Donasco, walo ka mga suspetsado ang ila nadakpan sa isa ka drug buybust operation nga ginpatigayon sa probinsya sa katapusan nga semana sang Pebrero kun sa diin 15 ka gramos sang suspected shabu ang nakumpiskar nga may estimated market value nga P102,000.
Samtang, isa naman ka operasyon batok sa illegal nga armas ang ginpatigayon sang NOCPPO kun sa diin isa man ka persona ang naaresto.
Madamo naman ang nakigbahin sa programa nga Armas Baylo Bugas kag nagsurrender sang 22 ka mga armas luthang kag tatlo ka mga explosives.
17 ka mga anti-illegal gambling operations ang ginpatigayon kun sa diin 50 ang dakop kag P7,000 bet money ang nakumpiskar.
21 ka mga operasyon ang ginpatigayon batok sa illegal nga fishing kun sa diin 37 ang nagkaladakpan; tatlo naman ka mga Most Wanted Person ang nadakpan kag 38 ka mga other wanted persons ang naaresto kun sa diin 30 ang may pending warrant.
