KYIV, UKRAINE – Tatlo ka nga indibidwal ang nagkalamatay kalakip na ang duha ka kabataan sa pagpaulan sang Russian forces sang bala sa nakatungdan kag naaminhan-nakatungdan sang Kyiv kahapon sang aga.
Ang impact sang pagsigabong ang nabatian naman sa Kyiv humalin sa rural area tubtob sa nabagatnan-nakatungdan.
Duha ka mortar ukon artillery shells ang nag-igo sa checkpoint nga para sa mga sibilyan nga nagatabok sa Kyiv gikan sa suburb sang Irpin.
Santo sa Ukranian authorities, tatlo ka indibidwal ang nareport nga napatay kalakip ang duha ka kabataan.
Makita naman sa social media ang dako nga nangin kahalitan sa Irpin, nga nahamtang sa northwest sang Kyiv.
Pahayag ni Oleksiy Arestovych, adviser sa Office of the Ukranian President, nga nakuha na sang Russian troops ang Hostomel kag Bucha sang Sabado.
Pahayag sini nga ginsakit ang madamo nga mga kabataan kag wala ginpahanugutan nga mag-evacuate, apisar nga madamo na ang naga-apelar sa highest state level nga maghatag sang “green corridor” gikan sa Bucha kag Irpin.
Dugang pa sini nga madamo sang mga kabataan nga yara sa basement.
Suno diri, may mga basements kun sa diin yara ang 70 ka mga kabataan kag wala ginabuy-an.
Ini ang ginapahayag naman nga batok na sa humanitarian kag moral point of view.
Pahayag ni Arestovych nga ang isyu ang ginadiskusyunan na sa pinakamataas nga lebel sa international humanitarian institutions.
Pila naman ka mga kabataan ang nagkalamatay na sa nasambit nga mga syudad santo sa Ministry of Health sang Ukraine.
