Nagapabilin ang presyo sang prime commodities sa probinsya sang Negros Occidental apisar sa pagsaka sang presyo sang produktong petrolyo.
Sa interview sang Bombo Radyo Bacolod kay Rachel Nufable, Provincial Director sang Department of Trade and Industry (DTI) -Negros Occidental, indi gilayon makapatuman sang pagsaka sa presyo ang mga prime commodities bangud may yara sang ginasunod nga suggested retail price (SRP).
Suno kay Nufable indi man gilayon nga makapasaka sang presyo sa nasambit nga produkto bangud may pagaagyan pa ini nga mga proseso antes mapatuman ang price increase.
Ginalantaw man sini nga mahimo magtaas ang presyo sang mga nagapanguna nga mga balaklon bangud wala ang mga ini sang kontrol sang pagtaas sa presyo sang produktong petrolyo.
Nagapadayon ang ila nga price monitoring kag may yara man sang mga announcement sa tion nga may pagbag-o sa presyo sang mga nagapanguna nga balaklon.
Samtang nagpanugyan man si Nufable sa mga konsumidor nga sa tion nga may mga reklamo, mahimo ini ipalab-ot sa ila talapatan agud mahatagan sang atensyon kag masolusyunan.
