Nagsurrender sang armas luthang kag explosive device ang isa ka anay katapo sang New People’s Army sa Silay City Police Station kahapon.
Sa interview sang Bombo Radyo kay Police Lt. Col. Robert Petate, hepe sang Silay City Police Station, ang self-confessed anay katapo sang NPA nga wala ginhingadlan ang personal nga nagpdulong sa estasyon agud isurrender ang is aka calibre 38. revolver nga may duha ka mga live ammunition kag isa ka hand grenade.
Suno kay Petate, bilang kabahin sang Armas Baylo Bugas nga programa ang Negros Occidental Police Provincial Office (NOCPPO), nakabaton sang isa ka sako nga bugas ang anay NPA bilang kabaylo sang armas kag explosive device.
Suno sa hepe, wala sang rekord ng nagsungka bilang NPA member ang lalaki apang ini ang naglaylo kag madugay na nga nagbulag sa hublag.
Suno diri, ini ang labing una nga kahigayunan nga may anay rebelde nga personal nga nagsurrender sang firearms sa Silay City Police Station bangud masami nga ginapaagi lamang sang mga ini sa mga opisyales sang barangay ang pagpakig-angot sa kapulisan.
Nagapati si Petate nga dako ang nabulig sang ila Community Police Action Center nga ginhamtang sa mga suludlon nga mg barangay.
Suno sa iya, nabatyagan sang mga pumuluyo ang presensya sang kapulisan kag napadangat man ang ila mga programa kaangay sang Armas Baylo Bugas.
Gin-athag man sini nga ang nasambit nga programa ang para sa tanan kag nagpanawagan sa mga nagahupot sang illegal nga armas nga boluntaryo ini nga isurrender agud indi mapasakaan sang kaso kag makabaton pa sang grasya.
