Ginpahayag sang executive director sang Bacolod City Emergency Operations Center (EOC) nga diutay nalang ang wala mabakunahan batok sa COVID-19 sa syudad sang Bacolod.
Suno kay Em Ang, ang mga wala nabakunahan ang wala gid sang plano nga magpabakuna.
Suno kay Ang regular flow nalang ang ginpatigayon nga vaccination drive kag bukas naman ang mga malls para sa pagpabakuna.
Suno diri, kalabanan nga ginbakunahan sa ulihi nga adlaw sang Bayanihan Bakunahan ang mga bata nga nagaedad sang 5-11 years old.
Apang dapat nakaschedule kag 2500 lamang ang naaccommodate sa first dose kag second dose bangud sa limirtado nga dose sang bakuna.
Nalipay man ni Ang bangud kalabanan sang mga senior citizen sa syudad sang Bacolod ang nabakunahan na.
Ini bangud nagapatigayon man sila sang vaccination batok sa COVID-19 sa ila medical mission.
Nagdangat na sa 133 percent ang vaccination rate sang syudad kun sa diin ang pinakamataas sa bug-os nga Western Visayas.
