RUSSIA – Ginpahayag sang Russia nga ang ila nga pag-atake kahapon sa Yavoriv training facility sa western Ukraine ang nakapatay sang kapin 180 ka mga foreign mercenaries kag nakaguba sang dako nga numero sang mga supply sang armas gikan sa gwa sang pungsod.
Ginpahayag ni Defense Ministry spokseperson Igor Konashenkov, ang Russia ang magapadayun sa ila nga pag-atake batok sa ila ginatawag foreign mercenaries.
Ginpahayag naman ni Ukrainian regional governor Maksym Kozytskyy nga 35 ka mga persona ang napatay samtang 134 ang mga nasamaran sa pag-atake.
Suno kay Konashenkov, naggamit ang Russia sang high-precision, long-range weapons sa pag-atake sa Yavoriv kag isa pa ka pasilidad sa village nga Starichi.
Pahayag sini nga ang duha ka bases ang ginagamit sa pagtraining sang mga foreign mercenaries kag ginataguan sang mga armas.
Ang pag-atake ang natabo isa lamang ka adlaw matapos nga ginpahayag ni Russian Deputy Foreign Minister Sergei Ryabkov nga ginakonsiderar sang
Moscow ang convoys sang shipments sang mga armas sang Western countries sa Ukraine bilang lehitimo nga mga targets.
