Mismo ang chairman sang committee on transportation sa Sangguniang Panlungsod sa syudad sang Bacolod ang nagahingyo sa Land Transportation Regulatory and Franchising Board (LTFRB) nga pahanugutan na ang pagpasaka sang pamasahe sa mga jeep kag flag down sa mga taxi bangud indi na maagwanta ang pagsaka sang produktong petrolyo.
Suno kay Councilor Dindo Ramos dapat maghatag na ang LTFRB sang authority para sa fare increase bangud sa pagsaka sa presyo sang gatong.
Ang Local Government Unit (LGU) ang indi man makahatag sang dako nga subsidy bangud ginakulang man sa pondo kasunod man sang pandemya.
Nagapati man ini nga ang nasambit nga problema ang masolusyunan man sang national government.
Nagpasalig man ini nga kun ano nga tikang ang makabulig agu nga mabuhi man ang mga drivers iya man nga ugyunan kaangay sang pagdugang sang pasahero nga mahimo masakay.
Nagpanugyan man ini nga kinahanglan lamang sang pag-intiendihanay sang tanan bangud tanan man ang apektado sa pagsaka sang presyo sang produktong petrolyo.
