Kanselado ang byahe sang mga pump boats padulong sa Sipaway Island sa San Carlos City bangud sa indi maayo nga kondisyon sang baybayon nga nagtuga sa pagsuli sang isa ka motorized banca nga nagaunod sang napulo ka mga pasahero pasado alas 2:00 kahapon.
Sa impormasyon nga nakuha sang Bombo Radyo, narescue na ang tanan nga mga biktima sang mga mangingisda kaupod ang Water Search and Rescue Teams nagikan sa City Disaster Risk Reduction and Management Office kag Task Force Bantay Dagat.
Suno sa mga nakakita sang insidente, ang pump boat ang malapit na kuntani sa pier sang ginsugata ini sa dako nga balod gani ini ang nagsuli.
Ang mga pasahero kag operator sang pump boat ang lunsay mga residente sang ciudad sang San Carlos.
Bangud sa nasambit nga insidente, nagmando ang local government sang San Carlos sang kanselasyon sang byahe sang pump boats padulong sa Sipalay agud malikawan nga masulit ang natabo.
