Wala naapektuhan ang operasyon sang mga opisina sa Negros Occidental Provincial Government apisar nga nagpatigayon sang People’s Holiday ukon Untat Byahe sang transport sector sa syudad sang Bacolod kahapon.
Suno kay Negros Occidental Provincial Administrator Atty. Rayfrando Diaz, antes paman ang pagpatigayon sang transport strike, nagpreparar na sang mga salakyan ang Provincial Government para sa car pooling.
Nahibaluan nga madamo man sa mga naga-opisina sa kapitolyo probinsyal ang wala sang personal nga salakyan.
Ginapakamaayo sang Provincial Administrator nga nagatrabaho sang maayo ang Capitol Cab kasubong man ang mga bus nga ginpreparar sang Provincial Government.
Pahayag ni Atty Diaz nga wala man ini nakabatun sang bisan isa ka reklamo gikan sa mga empleyado.
Ang buses kag capitol cab ang nagsugat naman sa gikan sa naaminhan, nabagatnan kag nasidlangan nga dereksyon agud nga madala sa tagsa ka opisina ang mga empleyado.
Bangod sini, normal ang nangin dalagan sang opisina sa kapitolyo probinsyal, apang ang nagbuhin lang amo ang mga indibidwal nga nagatransaksyon sa ila.
