Nagcrash ang China Eastern Boeing 737-800 nga may sakay nga 132 ka mga persona sa mabukid nga bahin sang southern China sang Lunes kag natuga sang isa ka forest fire nga makit-an sa kahawaan.
Ang eroplano ang nagakarga sang 123 ka mga pasahero kag siyam ka mga crew members, suno sa Civil Aviation Administration of China (CAAC).
Masobra 12 ka oras matapos nadula ang komunikasyon sa eroplano, wala pa sa gihapon nahibaluan kun may yara sang mga survivors.
Suno sa CAAC, ang crash ang nagluntad malapit sa ciudad sang Wuzhou sa Teng county.
Ang flight ang nagikan sa Kunming sa western province sang Yunnan padulong sa industrial center sang Guangzhou malapit sa east coast.
Ang Eastern flight No. 5735 ang nagabyahe kapin 30,000 feet sang hinali lamang nagsulod ang eroplano sa deep dive sa cruising altitude speed sini nga 455 knots ukon 523 mph.
Santo sa sattelite data nagikan sa NASA, nakit-an malapit sa area ang dako nga kalayo matapos nagcrash ang eroplano.
Suno sa mga rescuers, wala sila sang nakit-an nga patimaan nga may yara sang survivors sa plane crash.
