Gin-athag sang tagpamaba sang Negros Occidental Police Provincial Office (NOCPPO) nga indi basta-basta makahatag sang seguridad ang mga kapulisan sa isa ka kandidato kadungan sang pagsugod sang local campaign period sa Marso 25.
Suno kay NOCPPO spokesperson Police Lt. Abegael Donasco, aminado ini nga nagapreparar na ang kada partido sa pagsugod sang campaign period apang gin-athag sini nga magluwas sa apolitical ang mga kapulisan, indi man sila basta-basta makahatag sang security magluwas lamang kun magarequest ang kandidato kag ini ang gin-aprubahan sang Commission on Elections kag body sang NOCPPO.
Suno kay Donasco, magaagi sa insakto nga proseso ang paghatag sang security sang kapulisan sa isa ka kandidato.
Suno diri, may yara naman sang nagpalab-ot sang ila mga requests ilabi na ang mga incumbent nga mga alkalde nga luyag magpare-elect kag nahamtang sa hotspot areas.
