Ginalauman nga makapili na ang National Electrification Administration (NEA) sang general manager sa Central Negros Electric Cooperative (CENECO) sa sulod sang anom ka bulan.
Sang Martes, ginbutang sang NEA si Ervin Stan Leo Ticar bilang acting general manager sang CENECO kag magaserbe ini sa amo nga posisyon sa sulod sang anom ka bulan.
Suno kay Ma. Luisa Parroco, pinuno sang Coop Promotions Section sang CENECO, magaserbe si Ticar bilang acting general manager tubtub nga makakita sang mabulos nga full-fledged general manager.
Si Ticar ang nagbulos kay Engr. Jose Taniongon nga amo ang manager sang Engineering Department sang CENECO.
Antes kag Taniongon, nagserbe man si Atty. Danny Pondevilla bilang acting GM sang CENECO apang siya man ang general manager sang Northern Negros Electric Cooperative.
Suno kay Parroco, si Ticar ang gin-appoint sang NEA bilang board representative sang ahensya sang bulan sang Nobyembre.
Sa karon, bukas na ang application para sa general manager kag pilion ang opisyal base sa qualifications sang NEA.
