Kadungan sang pagsugod sang campaign period para sa local candidates, nagpahanumdom ang Commission on Elections nga magsunod sa rules kag guidelines nga gintalana sang layi kag Comelec resolutions angot sa size sang campaign materials.
Suno kay Bacolod City Election Officer Atty. Revo Sorbito, indi makakas ang posters sa private place bangud may yara sang temporaryo restraining order nagikan sa Korte Suprema angot diri.
Magamonitor man ang Comelec sa mga activities sang mga kandidato kaangay sang grand rally.
Suno kay Sorbito, mangin siya ang magakadto man sa activities bangud may yara sang instruction nagikan sa higher office.
Nagpanawagan man ini sa mga supporters nga mangin pasensyoso agud mangin safe ang eleksyon.
Nahibaluan nga may mga mini-rally na nga ginapatigayon subong nga adlaw samtang makapagusto naman sang ricorida naman ang mga kandidato.
Samtang, natapos naman ang training sang mga manunudlo nga magaserbe bilang Board of Election Inspectors. Samtang, wala sang tuman ka dalagko nga billboard sang mga kandidato sa probinsya sang Negros Occidental nga kaangay sang makita sa Bacolod City.
Suno kay Provincial Election Supervisor Atty. Roberto Salazar, ang size limitation sang campaign posters ang yara lang sa 2 feet by 3 feet, kag ila nga pagakakason ang maglapas diri magluwas sa mga yara sa pribado nga propidad.
Sarang naman nga matulupad ang standard size sang campaign poster sang isa ka kandidato agud nga ini ang magdamo apang pahanumdom sang election officer nga igadeklarar sang mga kandidato ang gastos sa pagpahimo sang campaign materials.
Samtang mangin mabudlay naman suno kay Salazar kun sa isa ka tarpaulin ulupod ang mga kandidato bangod indi matumod kun kay sin-o ini iga-charge.
Pahanumdom man sini nga indi na pagpaluson sang Comelec ang mga campaign posters sa mga pribado nga propidad ano man ini nga sahi santo sa panibag-o nga ruling.
Apang wala diri madala ang mga billboards bangod ini ang negosyo, gani nalakip sa special provision santo sa Comelec Resolution 10732.
Paathag ni Salazar nga ang billboard, ang nagaserbe nga advertiser kaangay sa telebisyon kag radyo.
Samtang, ginpasalig man sang Election Officer nga wala nagkulang ang Comelec-Negros Occidental sa pagpahanumdom sa mga kandidato kag supporters batok sa paglansang sang mga campaign materials sa mga kahoy.
Apang aminado si Salazar nga may-ara sa gihapon sang nagabuhat sini pinaagi sa guerilla tactics kun sa diin ginabantayan lang nga wala sang makakita.
Pahanumdom sini nga may specific nga layi nga nagahatag penalidad sa madakpan sa nasambit nga bayolasyon.
Sa pihak nga bahin, wala naman sang limit sa oras sang kampanya sang kandidato magluwas nalang sa curfew hours.
Pahanumdom man ni Salazar nga ginadumilian ang pagpangampanya sa Abril 14 kag 15 ukon Huwebes kag Biyernes Santo kag ini ang ginakabig nga unlawful campaign.
