Magahimo sang tikang ang Commission on Elections sa mga insidente sang vote-buying apisar nga wala sang pormal nga reklamo suno kay Commissioner George Garcia.
Suno kay Garcia, ang Comelec ang magahimo sang tikang santo sa mga reports sang mga field personnel nga nagapatigayon sang mga imbestigasyon sa mga insidente sang baklanay sang boto.
Suno sa iya, apisar nga wala sang formal complaints, ang Comelec ang magagiho santo sa reports sang ila mga personnel sa field.
Sa karun suno diri, wala pa ang mga iya ginpanglawag sa mga reports.
Ini ang ginpahayag ni Garcia sang siya ang ginpamangkot kun may mga nabaton na ini nga reklamo matapos nagreport ang media sang ginaalegar pagpanagrtag sang kwarta sa pila ka mga campaign rallies sa mga probinsya.
Suno kay Garcia, mas maayo kun magfile sang pormal nga reklamo ang mga ordinaryo nga mga pumuluyo kag iban pa nga stakeholders kaupod ang ebidensya magluws sa mga natipon sang Comelec.
Nagpaandam man ini sa mga kandidato kag political parties nga isa ka criminal offense ang vote buying kag may penalidad nga isa tubtob anum ka tuig nga pagkapriso.
Gindugang man sini nga nakatukod na ang Comelec sang task force agud imbestigahn ang mga reports tuhoy sa mga vote-buying incidents.
